Hövzə Xəbər Agentliyinin verdiyi məlumata görə, Ayətullah Mahmud Rəcəbi Qum şəhərində İmam Xomeyni (r) adına Təlim və Tədqiqat İnstitutunda 1405–1406-cı tədris ilində keçirilən üsul elminin ilk ali dərəcəli dərsinin başlanğıcında həzrət Ayətullah üzma Seyid Əli Xameneinin (Allah ona rəhmət eləsin) şəhadətinə toxunaraq bildirib: Yeni tədris ilinə elmi hövzələrin ən mühüm dayağı, yolgöstərəni və həqiqi himayədarı olan böyük şəxsiyyətin fiziki varlığından məhrum olduğumuz bir şəraitdə başlayırıq. O böyük şəxsiyyət elmi hövzəni, onun imkanlarını və çatışmazlıqlarını hər kəsdən daha yaxşı tanıyırdı, hövzənin problemlərinin həlli və müasir tələblərə uyğunlaşdırılması yollarını hər kəsdən daha yaxşı bilirdi. Həmçinin biz bu böyük şəxsiyyət tərəfindən elmi hövzəyə hərtərəfli və tam dəstəyin göstərildiyinin şahidi olmuşuq.
Ölkə üzrə Elmi hövzələrin Ali Şurasının üzvü əlavə edib: Əlbəttə, onun şəhadəti böyük bir müsibət idi. Lakin onun şəhadətindən sonra və şəhadəti nəticəsində varlığının bərəkətləri olduqca çox və misilsiz oldu. Onun izzətli şəkildə yaşadığı ömrü boyunca və şəhadətindən sonra xalqımıza və dövlətimizə nəsib olan bu nemətlərə görə Allaha şükür edirik.
İslam dövlətinin qüdrəti
İmam Xomeyni (r) adına Təlim və Tədqiqat İnstitutunun rektoru İslam dövlətinin qüdrətinə toxunaraq vurğulayıb: Bu gün uca Allahın bərəkəti sayəsində dünyada istədikləri kimi hökmranlıq edən ən böyük düşmənlərimiz, yəni sionistlər və mənfur ABŞ rejimi çirkli tarixləri boyunca misli görünməmiş zəif mövqedədirlər. İslam Respublikası sistemi isə öz qüdrətinin ən yüksək zirvəsindədir və bu gün dünyanın həqiqi fövqəldövləti məhz bu müqəddəs sistemdir. Bu, çox böyük bir nemətdir.
Xalq öz sədaqətini nümayiş etdirdi
Məclisi Xubriqan Rəyasət Heyətinin üzvü sözlərini davam etdirərək bildirib: Həm sistemimizin qüdrəti, həm də sadiq, vilayətə bağlı, səbirli, meydanda olan və tam mənada bəsirətli xalqımız böyük nemətlərdəndir. Xalqımız iki yüz gündən artıq müddət ərzində gecələr meydana çıxaraq vilayətə, sistemə və ölkəyə sədaqətini nümayiş etdirdi. Bu iştirak birliklə müşayiət olunduğu üçün müqəddəsdir; elə bir birlik ki, onda heç bir dünyəvi məqsəd şübhəsi yoxdur və hər kəs Allah üçün və sistemi müdafiə etmək məqsədilə meydana çıxıb. Bu böyük nemətlər və onlarla digər nemət şəhid Ayətullah Xameneinin (r) qanının bərəkəti sayəsində bizim üçün hasil olmuş möcüzələrdir.
Həzrət Ayətullah Seyid Müctəba Hüseyni Xameneinin (Allah onu qorusun) varlığının bərəkətləri
Ölkə üzrə Elmi hövzələrin Ali Şurasının üzvü həzrət Ayətullah Seyid Müctəba Hüseyni Xameneinin (Allah onu qorusun) varlığının bərəkətlərinə toxunaraq bildirib: Şəhid Ayətullah Xameneinin bərəkətlərindən biri də onun layiqli canişininin mövcudluğudur. Allah-Taalanın ən çətin şəraitdə bu müqəddəs varlığı xalqımıza və dövlətimizə nəsib etməsi böyük nemətdir. O, rəhbərin ictimaiyyət qarşısında fiziki iştirakının olmamasına baxmayaraq, mesajları vasitəsilə cəmiyyəti bu şəkildə istiqamətləndirir, sistemi əvvəlki qüdrət və möhkəmliyi ilə, eyni zamanda hikmətli tövsiyələri əsasında idarə edir və həmin yolu davam etdirir. Bu da çox böyük bir nemətdir və buna görə Allaha şükür edirik. Allahdan istəyirik ki, həzrət İmam Zamanın (ə.f) zühuruna qədər şəhid Ayətullah Xameneinin bu layiqli canişininin qoruyaraq izzət və qüdrətlə bizim üzərimizdə daim saxlasın.
Şəhid Ayətullah Xameneinin şəhadətinə əmr verən və onu həyata keçirənlərin hamısı qanı halal şəxslərdir
Ayətullah Rəcəbi çıxışının sonunda şəhid Ayətullah Xameneinin qanının alınmasının zəruriliyinə toxunaraq vurğulayıb: Bu dəhşətli cinayətdə və bu böyük müsibətdə rolu olan bütün şəxslərin qanı halaldır və şəhid Ayətullah Xameneinin qanının qisasinin alınması bütün xalqımızın, eləcə də şəri vəzifələrinə əsasən bütün müsəlmanların və dünyanın bütün azadlıqsevər insanların tələbidir. Bəzilərinin zaman-zaman bu yanaşmaya qarşı səsləndirdiyi fikirlər, şübhəsiz ki, dini, əqli və beynəlxalq meyarlara, eləcə də sistemimizin, ölkəmizin və xalqımızın mənafeyinə ziddir.
Bizim vəzifəmiz budur ki, bu böyük müsibətdə və sabiq rəhbərimizin şəhadətində rolu olan və hələ də sağ qalan sonuncu şəxsə qədər onların hər birinin əməlinə görə cəzalandırılması üçün tədbir görək və dünyanın hər hansı yerində buna imkanı olan hər kəs onların əməllərinin qarşılığını almasına nail olsun.
Xalqın iştirakı Ali Məqamlı Rəhbərimizin zəruri hesab etdiyi müddətədək davam etməlidir
İmam Xomeyni (r) adına Təlim və Tədqiqat İnstitutunun rektoru sonda vurğulayıb: Bu müqəddəs birlik və gecə-gündüz davam edən iştirak da Ali Məqamlı Rəhbərimizin zəruri hesab etdiyi müddətədək daha coşqulu şəkildə davam etdirilməli və gücləndirilməlidir.
Xəbərin sonu — 313/3
Rəyiniz